Një person është arrestuar pasi ka lajmërar rrejshëm në polici se i janë grabitur një shumë e parave.

26-vjeçari ka raportuar se me datën 6 shkurt 2024 rreth orës 22:56 në fshatin Zhabar të Mitrovicës dy persona, njëri nga ta i maskuar dhe nën kërcënimin e armës, i janë grabitur një shumë e parave, përcjell Arbresh.info

“Pas procedimit me vendin e ngjarjes me autorizim të prokurorit hetuesit kishin nisur hetimet drejt zbardhjes së rastit, të cilët gjatë hetimeve kanë arritur të sigurojnë dëshmi dhe të zbulojnë se nuk ekziston asnjë provë që në kohën e raportimit të veprës të ketë ndodhur ‘grabitja’. Kjo ka rezultuar që viktima/tashmë i dyshuari P. H., 26 vjeçar, të ketë lajmëruar rrejshëm”, thuhet në njoftim.

Në njoftim thuhet se i dyshuari mbështetur në provat e siguruara, me autorizim të prokurorit akuzohet për veprat penale “Grabitje’ rikualifikohet në veprat penale ‘ Lajmërim i rremë ’ dhe ” Keqpërdorim i besimit”

Me aktvendim të prokurorit të dyshuarit i është caktuar masa e ndalimit policor për 48 orë./Arbresh.info